盧語錄
經由 在 11月 6, 2023
(|)
1k+ 閱讀

[以下路邊社謬論,純屬推理,如有雷同或不同,均屬巧合,()真唔講得笑者勿看。]

(本港新聞)

有政黨多人欲參加區議會選舉但不獲提名。這是完善選舉,欲參選者需自行檢討完善左未。

香港復常後很多困難,只得選舉一項完善,其它所有未臻善境,建議政府成立各行各業完善委員會。

﹣美帝有議員發起制裁多名香港官員,圖以恐嚇。香港可反恐嚇,一於制裁所有投標贊成的美議員,睇下邊個人多。正所謂人不犯我,我不犯人,人若犯我,我必犯人。

局長謂香港有條件成為以高價值貨物及電商市場為主的可持續國際智慧物流樞紐小市民:咁即係乜?

 (神州消息)

今年金九銀十不成,連銅九鐵十也無人講,十一月已至,十一日被稱光棍節,過往該天網購數字驚人,惟今年經濟環境麻麻,很多人是光棍一名,只有電話騙棍大行其道。

國家主席致函第五屆中美友城大會,中美關係的基礎在民間,力量源泉在人民友好醉眼建議以後兩國互派人民商討國事,可避免官員劍拔弩張。

(財經版)

復常後,天天都有股價創新低。醉眼有一法,股市交易時段改為晚間進行,讓官民一併促進夜經濟,酒樓業也可望不須九時關門。

國安部指有「唱空者」妄圖引發金融動。美帝金融市場大好多倍,投機產品無數,起上來,美國大鑊好多。

(特稿我有日程事宜)

外國人發請帖,通常下款有RSVP四個英文字,請受邀者回覆出席與否,近日本港有新名詞,因日程事宜缺席,究竟這幾個字是用來回覆主辦機構,抑或講俾屋企人聽,又或讓其他人知,則不得而知,至於咁有技術性嘅字眼,又是否用喺主人家冇指名道姓請自己,又或言明在先,請還請,但唔保証可以入境,所以自行先發表聲明,以示唔駛預我,或者用意表達我將唔俾面嚟,總之主動權在我手,有得揀,我先至係老闆。各位市民,日程事宜幾個字睇似好簡單,其實有好高深學問,乃極度高級官員專用語,普通人未學識以結果為目標之前,千期唔好立亂用,醉眼努力學習以結果為目標整整一年,毫無進展,每次在馬場落注時,職員問我買邊隻,我都話以結果為目標,次次俾人話黐乜線。

重有些少篇幅,引述某網紅之大話論:

佢講大話,你知佢講大話;

佢知你已知佢講大話;

你又知佢知到你已經知佢講大話;

佢仍然繼續講大話。

https://lo-enote.blogspot.com/2023/11/blog-post_5.html

https://lo-enote.blogspot.com

分類: 12.社會話題