447 閱讀
美國總統特朗普上任後同傳媒不咬弦，傳媒幫佢上任日期逐日數，好似睇佢做唔長咁。曾與特朗普合作過，又打過官司嘅遠東發展（035）主席「老虎仔」邱達昌，噚日講開美股略貴買唔過，又講到特朗普做生意好叻，但就好難相處，然而令佢印象深刻嘅，係特朗普總部嘅員工，老虎仔笑住話，「佢個寫字樓啲女仔，真係好靚」。
(與邱達昌David食飯，傳相俾行家睇，行家仲以為係洪金寶...)
永升亞洲股東有變動
問到免費電視牌照的進展時，邱達昌話有三件事，一、申請牌照嘅永升亞洲，股東將有變動；二、現時做傳媒的確好艱難；三、發牌嘅通訊局應該更有彈性。至於永升股東點變，就無講，應該係有股東退出，亦有新投資者加入，佢就保持不變，詳情遲啲公布。資料顯示，永升董事局主席是邱達昌，股東包括信德（242）董事總經理何超瓊、富力地產（2777）董事長李思廉，以及弘毅投資等。不過，去年該財團已向當局提出暫緩其免費電視節目牌照的申請。
近年遠展四出到澳洲及英國發展物業，談及香港樓市時，佢就話香港地皮好難平，因為多了內地發展商來爭地，好似工廠咁，生產商多咗，對材料嘅需求自然增加，價錢點會跌落去。
幾年前低息期仲會叫人買樓，但而家佢話都唔敢叫人買，因為加息周期已到，覺得有啲危險咁話。不過，遠展仍會在香港投地發展，只要計掂數就會去馬。
原標題：老虎仔盛讚「特朗普女郎」 歎傳媒難做
(2017-2-18 星島，圖片及圖片說明為稻穗小編所加)
(與邱達昌David食飯，傳相俾行家睇，行家仲以為係洪金寶...)
永升亞洲股東有變動
問到免費電視牌照的進展時，邱達昌話有三件事，一、申請牌照嘅永升亞洲，股東將有變動；二、現時做傳媒的確好艱難；三、發牌嘅通訊局應該更有彈性。至於永升股東點變，就無講，應該係有股東退出，亦有新投資者加入，佢就保持不變，詳情遲啲公布。資料顯示，永升董事局主席是邱達昌，股東包括信德（242）董事總經理何超瓊、富力地產（2777）董事長李思廉，以及弘毅投資等。不過，去年該財團已向當局提出暫緩其免費電視節目牌照的申請。
近年遠展四出到澳洲及英國發展物業，談及香港樓市時，佢就話香港地皮好難平，因為多了內地發展商來爭地，好似工廠咁，生產商多咗，對材料嘅需求自然增加，價錢點會跌落去。
幾年前低息期仲會叫人買樓，但而家佢話都唔敢叫人買，因為加息周期已到，覺得有啲危險咁話。不過，遠展仍會在香港投地發展，只要計掂數就會去馬。
原標題：老虎仔盛讚「特朗普女郎」 歎傳媒難做
(2017-2-18 星島，圖片及圖片說明為稻穗小編所加)
分類: 7.個股評論
