陶金仁
經由 在 12月 1, 2017
(|)
120 閱讀
(2017.12.1 股海盒子)
港股這星期反覆不定,就著騰平指數下跌恆指當然要跟。盒子於上星期的炒股幫直播上也分析大市這星期會相對反覆,不建議入市高追,正所謂「一CASH在手,跌夠先行」,等大市調整夠,咪衝返入去囉,仲要分段添呀。
大價股由年頭巴巴聲咁升到而家,有北水流入接左D貨,大戶經已立在不敗之地,有很多散仔而家都會追蹤北水流入情況,一般有北水支持的股仔都會有支持位及上升浪,但要記得前一點是,北水也是近期大量流入的接貨客,之前的北水可能是聰明錢,但之後的北水有機會是北水魚錢,如果港仔真的跟魚游,要記得早過D魚上岸,唔係自己就變成一條「高追真漢子」,雖然可以話我最終都睇好該股票,但係點解唔等下先呢?
在大市抽搐之時,大價股回調、IPO無眼睇、細價股未有起色的時候,有一個投資工具卻繼續爆升中,這就是BITCOIN。
今日高見9907蚊,係美元呀。。。。大佬
好啦,黎到呢個位,你有無諗住用7萬7千2百7十4元去買一個BITCOIN?
各大機構都在增持中,有些投行更預測2022年BITCOIN將升至55000美元,現價入5年有5倍多升幅,口水都流埋。
之前好友HILTON分析BITCOIN的發展前景,盒子認同,在美股8年連升的氣勢後,很可能會有一個大如金融風暴的跌市,BITCOIN也不能避免,簡單來說,大市倒、樓市倒、債券倒,BITCOIN可以孤高咩,大插也是意料之中,如果閣下在9000USD買了一個BITCOIN,下跌7成至2700USD,你唔放係唔會輸的,咪等反彈囉,不過到時的阻力位就是每個高位了。咁唔好彩如果有事要套現就。。。。很多朋友不是玩一個BITCOIN的。。。。
又忍唔住手又想入市,我應該如何是好????
第一個方法:綁住隻手
第二個方法:平均成本法
如果你知道一個市場會暴升暴跌,有一個相對穩鎮的策略就是分注入市,策略而你想投注的本金分期分注買入,上升時買,下跌時又買,每個月買0.1個BITCOIN,金額不足者就兩個月買0.1一個比風幣,這樣做可以大大降低BITCOIN大跌的風險,但記得要定期,不然絕對做不到儲貨功能,雖然這樣做大大降低了升幅帶來的利潤,但確實可以大大降低了跌幅帶來的風險。
第三個方法:挖金機
礦機是你比錢買一部專挖BITCOIN的機,在明知會有大跌的時候卻是最佳的投資工具,點解呢?買一張兩年的礦機合約,礦機是每日幫你挖的,代表你每日都有BITCOIN進賬,如果2018年BITCOIN大跌,等如部機每日都幫我買一次貨,記住在這個時候你就是在儲貨階段,我有多長的時間儲貨,到反彈時我的之前的貨就等如在低位買入一樣,不需要看蝕了多少,只需要看反彈時你有多少貨就可以了,最怕你無貨咋。
一張合約大概20000元,現今每日挖約100元,一個月平均3000元回報,於約6個月回本,你可以變現之後有一年半你任賺;若有升幅3-4個月就回本。拿回成本後其實都不需要理會插多少了,反正如果睇好會反彈。
如果在購買後立即下跌,又會點呢,我算BITCOIN 下跌7成
3000元 X 0.3=900 (每月所挖BITCOIN面值)
900 X 24個月=面值21600元港幣的BITCOIN
這就是比較差的情況了,但要記得「你有貨」,等升就可,這個世界最怕就是你無貨,反彈你就驚高追
升就不多計了,咪愈多機愈發囉。
投機涉及風險呀,唔係條數計好就無風險。
礦場倒閉
BITCOIN電子銀包ACCOUNT不見了
等等因素就是玩家要考慮的因素,近日都愈來愈多朋友問我,我都係咁答佢地。
但不建議大家玩其他相關的衍生工具,自己睇路啦。
高扬
呵呵,一直关注但不敢炒作。