稻穗小編
經由 在 8月 13, 2018
(|)
614 閱讀
做到80歲仍要繼續工作,對不少人來說是一種痛苦,但對他來說卻是享受。工作60年,早已超越退休年齡的他,最近以80歲之齡做第五份工,他就是第一代出市代表張天生。
今年12月踏入朝枚之年的張天生,7月底正式離開工作22年的星展唯高達,在8月1日加入由舊同事許照中任主席的六福金融,繼續其經紀生涯。談到不退不休,張天生接受訪問的時候講出原因,「做緊嘢,唔想休退架,退休日日在屋企無所事事,真係悶死多過病死。」
對於離開星展唯高達「最近星展唯高達改銀行制度,咁我覺得自己80歲,銀行又點會請你80歲人做嘢?」張天生如是說。
張天生自80年代開始,30年來不炒股,其中一個原因就是給予客戶意見比較中肯,「你總會有啲私心,譬如話滙豐好定恒生好,我一定同你講恒生好過滙豐一百倍,但如果你揸咗滙控呢?梗係滙豐好啦!所以保中介者最好唔好炒。」
當然在60-70年代,股市起飛的時侯,張天生都有炒股票,「(70年代炒股)當時贏到好多但輸突晒。」他說:「70年代,我贏過幾十萬,在天后廟道買咗兩層樓,總共40幾萬。」不過,股市有升自然有跌,「73年尾股市跌到暈,(股票)我全部平價賣晒,斬晒倉,賣埋兩層樓還錢,嗰時輸到一個仙都無,仲爭銀行少少錢,後來先還返。」
但張天生其後都仍然有炒股票,「到76年個市慢慢好返,嗰持都仲有玩,其後幾年返好多錢,咁如果唔係邊有錢(移民)去澳洲?」直至84年由澳洲返香港,「為咗瞓得安樂」,他就賣出所持有最後一批股票後,不再炒股。
對於錢,張天生認為,過得安樂才是他所追求,「總之我日日有錢使就得啦…我儲備夠用到100歲。」又說:「我香港層樓40幾萬買返嚟,依家都升成十倍,澳洲間屋8萬澳紙(元)買返嚟,依家值60萬澳紙(元),唔賣喇,留畀兩個孫。」
對於仔女,他說:「我曾經問大仔,你要唔要錢,我有好多港紙喺度,大仔話唔要,問個女又唔要,咁咪畀最細個仔…但佢多都唔要,佢話我供埋間屋就夠,咁我咪畀咗10萬澳紙(元)佢供埋間屋囉,最緊要安樂啫。」
80歲之齡最重要仍是身體,對於養生之道,第一要均衡飲食,平時吃得清淡,多吃菜、魚;其次是運動,他每朝會用半小時游泳,晚上飯後亦會行一小時;他更有一個秘訣,「我星期六日會唱歌,唱3個鐘頭,由一點唱到3點。」
何時才會退下來?「我完全無諗,除非自己隻手痹咗拎唔起電話,咁就退休,依家我仲記性好。」又說:「我仲未諗好退休,從來都無諗過。」
記者:張活儀
文章來源: 蘋果日報
分類: 11.人物特寫