【揸中電15年收息193億】嘉道理買起瑞士私人銀行錢滾錢 獨不沾人仔

(2019-3-12 壹周刊)

上個月底公佈業績嘅中電控股（2），宣佈全年每股派息$3.02，咪睇少呢幾蚊雞股息，我宗菁華計過，單是過去15年，每股中電總共派發$40.63股息，嘉道理家族揸住4.75億股，單是過去15年就袋左$193億啦。咁多錢好似年年從天而降咁，如何管理呢？與其聘私人銀行家去管，嘉道理家族索性喺瑞士買起間私人銀行，直頭當係生意咁樣去「錢揾錢」，2014年嘉道理家族與在中東起家嘅猶太Lawi家族；以及來自敘利亞的瑞士金融家族Dwek，夾份買起瑞士成間私人銀行Hyposwiss Private Bank，呢三個猶太家族既祖先，都經歷過苦難，大家同聲同氣又大把錢，請專人管不如幫埋其他嘅猶太鄉里管埋啲錢喇，喺瑞士日內瓦私人銀行林立，嘉道理呢間私人銀行好低調，招牌細到不得了，不過幢銀行後面，有座猶太教堂，幾粒「大衛星」係後邊射住射住呢間私人銀行，你都咪話猶太佬唔信邪呀，如果唔係點見得佢哋啲財富越滾越大？間私人銀行手頭管理嘅資產有46億法郎，差唔多368億港元，不過有一點值得參考，佢哋手頭揸住嘅貨幣，超過50%美元，20%歐羅，英鎊及法郎超過30%，人民幣？冇囉。可想而知呢班猶太金融家幾謹慎呢！

撰文：宗菁華

 

...............................

稻穗小編補，據維基百科資料：

嘉道理家族，猶太人，是一個富裕的巴格達米茲拉希猶太族裔。祖先世居伊拉克首都巴格達。18世紀時遷居至印度孟買，後在上海跟隨沙遜家族發跡。他們成功建立歐亞商業王朝。連同上海的沙遜家族，嘉道理家族成為顯赫的富豪家族。 

嘉道理家族又從英國人手上購入廣州電力廠，但在廣州的生意出現虧蝕，轉到香港發展，並建成鶴園街電廠，主要供電給半島酒店，埃利·嘉道理在電廠重組之後成為當時的大股東。嘉道理家族於1866年創辦香港上海大酒店有限公司，早期在上海經營酒店。旗下的半島酒店品牌，在世界各地管理多家豪華酒店，包括香港尖沙咀半島酒店。 

資產

嘉道理父子有限公司
中電控股：持股33.21%
香港上海大酒店有限公司53.82％
直昇機服務（香港）
美捷香港商用飛機
龍門滙成：嘉道理家族的私人公司，在陝西韓城地區擁有豐富的煤層氣資源。
嘉道理置業
聖佐治大廈
凌霄閣
山頂纜車
太平地氈
嘉道理農場暨植物園
嘉道理保育中國 （Kadoorie Conservation China，KCC）
嘉道理爵士公館
深水灣道68.70.72號
赫蘭道7號，地盤面積25186方呎，以0.75倍地積比計算，可建樓面18890方呎
舂坎角道11號A號洋房
加多利山共有86幢洋房和一座39個單位聖佐治閣