盧語錄
經由 在 10月 8, 2019
(|)
123 閱讀

我唔會要求你立場同我一樣,

因為每個人都有不同想法

如果你覺得馬蹄露比人打好慘
咁尋晚比的士佬撞斷腳個女仔慘唔慘?
比警察執行私刑打斷手腳果啲慘唔慘
比警察無拿拿開槍打眼既記者慘唔慘?
比警察拉入後巷打既守護孩子義工慘唔慘?

你話自己好中立(其實藍絲個個認為自己最中立,黃絲最偏激),咁點解我又唔見你譴責以上既事?

無錯破壞死物係暴力
咁警察行私刑又係唔係暴力?
政治逼害又係唔係暴力?
警黑勾結係唔係暴力?
制度暴力係唔係暴力?

好多人講啲暴徒好暴力,但除了精神失常的人以外,凡事必有因。破壞公物是不對的,但破壞法制、公義所帶來的影響更深遠。

我不會要求你的立場與我一樣,因為背景及觀點不同。和平抗爭其實早就試過,一百萬與二百萬人走出來也得不到任何正面回應。然後你說如果因為破壞社會建設就回應訴求,豈不是助長、鼓吹如此風氣?

多角度思考,請你代入孩子們的思維模式好嗎?有一些傷害,比街上的頹垣敗瓦更嚴重。721消失的警察、831太子的真相、福建幫無法無天、美心太子女打壓事件、新屋嶺的暗黑事件……每一件都毁了我童年時美好的香港。

你說呢?

好多嘢,係要不斷提住。

點解要破壞港鐵?其實用佢停駛嚟做賣唔賣港嘅轉捩點已經好比面,高鐵超支+沙中線工程醜聞已經夠佢死十次,但香港人都忍得,直到佢玩停駛封站、開放比暴警做私家休憩處兼私人交通工具、拒交CCTV隱藏831太子站真相,置市民安危生死不顧,就唔好諗住冇後果。

點解要搞優品360?荃灣北角福建幫斬示威者斬得咁過癮,而香港警察將佢地全部放生,示威者唯有選擇破壞有福建黑幫背景嘅連鎖集團,不只為咗洩憤,更要大大聲話比對方知,你出刀,我地未驚過。

點解要搞美心元氣Starbucks?因為年屆七旬嘅美心集團太子女伍淑清,拉住澳門賭王個女(唔知香港關佢叉事)上聯合國理事會抹黑示威者及反送中運動,同時打壓自己任校監嘅中華基金中學嘅罷課學生,幾廿歲人臨老都唔放過啲後生,其心可誅。

事出必有因,雖然好多已經講到口臭,但既然香港人要齊上齊落,就唯有不斷提醒事實,以免被分化手段擊倒。當然,就算睇完前因你都有權反對打爆/放火燒死物,但要譴責暴力,望下幾多後生仔比黑警打到命都冇、幾多老人家比佢地施虐、有人比黑幫斬到呢世行唔到路、721元朗恐襲仲有幾多人逍遙法外,就咁囉。

香港當前最大暴力,係制度暴力、行政暴力-《緊急法》將法治摧毀,禍害仲嚴重過送中,何止暴力,仲係人為災難。

分類: 14.其他類別