區議會選舉塵埃落定，無論你既區議員係N屆自動當選、係傘兵、建制派還是泛民，區議會無市民既監察，任何黨派既議員都可以不顧市民聲音而自把自為。所以，請你由自己開始，監察你既區議員。
A)找出你的區議員
佢個辨事處係邊？辦公時間係點？會唔會成人無人？
佢有咩熱線電話、SMS、LINE、WHATSAPP、FACEBOOK比市民容易聯絡到？
大家可試下用不同方法聯絡及問候下你既區議員，睇下佢對市民有幾願意回應，到底係歡迎與市民交流，定係十問9唔應？
B)留意區議員既政綱及工作報告
唔該唔好再將議員寄比你既單張同工作報告攞去墊煲底，議員選舉既時候應承大家好多野，個個都話要共建美好社區，平時就算唔得閒監督個議員，起碼都要望下個工作報告，睇下佢有無兌現選舉承諾，係咪真係做左D咩好野黎建設美好社區，如果無，大家就應該積極投訴令議員知道你不滿佢貨不對辦，甚至利用選票要佢最後埋單找數。
C)善用區議會會議紀錄
想知道你既區議員開會個時到底講左D咩，有無偷懶同恰眼瞓？
區議會網站幫到你: http://www.districtcouncils.gov.hk/
1)出席率
跟著以下步驟就可搵到各位議員既出席記錄：
區議會主頁→點撃所屬地區 (E.g.中西區) →區議會會議→區議員出席記錄
2)會議記錄
跟著以下步驟可搵到區議會各年度既會議記錄：
區議會主頁→點撃所屬地區(E.g.中西區)→區議會會議→區議會大會
從會議記錄可直接睇到區議員
—曾經提出什麼動議
—發表過D咩言論
3)區議會撥款
跟著以下步驟可搵到區議會各年度既撥款使用情況：
區議會主頁→點撃所屬地區(E.g.中西區)→區議會會議 →委員會→財務委員會
記錄有齊區內所有撥款既分配以及申請情況。如果你對區會既撥款有疑問，又或者唔同意議員既某些議案，就應該用你知道既聯絡方法，直接質詢你當區既區議員。
D)對區議員施加壓力
如果區議員對你提出既意見或者質詢係「意見接受，態度照舊」，甚至響度hae你，你可以考慮用以下方法，向佢施加壓力：
1、組織其他不滿既居民，成立監察小組，甚至連結其他監察組織，務求「車輪戰」咁嘈佢
3、向區議會秘書處以及民政事務總署投訴