停課不停學 自由鳥贊助免費流動數據支援在家網上學習

全港中小學因應疫情繼續停課至四月，多間學校亦有不同嘅應對，為學生提供網上即時互動課程或提供網上學習影片，做到「停課不停學」！

網上學習其中一個重要嘅因素係穩定嘅網絡，同埋足夠數據俾學生上網睇片做功課。有見及此，純Online手機網絡商「自由鳥」透過社企教育平台「EdFuture」，於停課期間免費贊助包含本地流動數據服務及話音服務嘅「自由鳥SIM卡」予全港中小學有需要嘅學生，令佢哋喺屋企都可以上網、睇片同做功課都無難度。

計劃剛開始已收到超過百間中小學即時申請。如學校有任何查詢，歡迎致電36977030或 電郵: info@edfuture.hk。