據蘋果日報報道，有位女士「M小姐」喺facebook控訴股評人溫傑「有老婆仲要玩完一個又一個」，仲貼埋佢嘅結婚證書。   M小姐嘅facebook post今日喺WhatsApp瘋傳，話說2017年某日M小姐上載咗多張佢同溫傑二人同遊海洋公園嘅合照，照片尺度最盡都係搭下膊頭，不過睇得出兩人玩得好開心嘅，唔似係朋友咁簡單。   然後，M小姐另一個post就係訴說一個絕望真相，一張結婚證書證明溫傑喺2014年結婚，唔知係咪覺得自己畀人呃咗，令自己變咗小三，佢喺個post寫住「有老婆仲要玩完一個又一個」。華華問過溫傑是不是有婚外情，佢話唔方便回應。   事件喺金魚缸瘋傳後，溫傑將成個facebook page刪走，聽講M小姐同溫傑本身係同事，之前一齊出過差。呢粒花生，真係大到要啲時間消化。    該女子在FB上載多張與溫傑同遊海洋公園的照片。(翻攝M小姐facebook)