溫和行動組

  https://www.thestandnews.com/politics/%E7%9B%A3%E5%AF%9F%E5%8D%80%E8%AD%B0%E5%93%A1%E6%96%B0%E6%89%8B%E6%8C%87% E5%BC%95/ 區議會選舉塵埃落定，無論你既區議員係N屆自動當選、係傘兵、建制派還是泛民，區議會無市民既監察，任何黨派既議員都 可以不顧市民聲音而自把自為。所以，請你由自己開始，監察你既區議員。 A)找出你的區議員 要監察，首先你要知道你個議員係邊度，包括: 佢個辨事處係邊？辦公時間係點？會唔會成人無人？ 佢有咩熱線電話、SMS、LINE、WHATSAPP、FACEBOOK比市民容易聯絡到？ 佢有無定期既街站同市民見下面？街站位置又係邊？ 大家可試下用不同方法聯絡及問候下你既區議員，睇下佢對市民有幾願意回應，到底係歡迎與市民交流，定係十問9唔應？ B)留意區議員既政綱及工作報告 唔該唔好再將議員寄比你既單張同工作報告攞去墊煲底，議員選舉既時候應承大家好多野，個個都話要共建美好社區，平時就 算唔得閒監督個議員，起碼都要望下個工作報告，睇下佢有無兌現選舉承諾，係咪真係做左D咩好野黎建設美好社區，如果無 ，大家就應該積極投訴令議員知道你不滿佢貨不對辦，甚至利用選票要佢最後埋單找數。 C)善用區議會會議紀錄 想知道你既區議員開會個時到底講左D咩，有無偷懶同恰眼瞓？ 區議會網站幫到你: http://www.districtcouncils.gov.hk/ 1)出席率 跟著以下步驟就可搵到各位議員既出席記錄： 區議會主頁→點撃所屬地區 (E.g.中西區) →區議會會議→區議員出席記錄 2)會議記錄 跟著以下步驟可搵到區議會各年度既會議記錄： 區議會主頁→點撃所屬地區(E.g.中西區)→區議會會議→區議會大會 從會議記錄可直接睇到區議員 —曾經提出什麼動議 —反對或讚成過什麼議案 —發表過D咩言論 3)區議會撥款 跟著以下步驟可搵到區議會各年度既撥款使用情況： 區議會主頁→點撃所屬地區(E.g.中西區)→區議會會議 →委員會→財務委員會  記錄有齊區內所有撥款既分配以及申請情況。如果你對區會既撥款有疑問，又或者唔同意議員既某些議案，就應該用你知道既 聯絡方法，直接質詢你當區既區議員。 D)對區議員施加壓力 如果區議員對你提出既意見或者質詢係「意見接受，態度照舊」，甚至響度hae你，你可以考慮用以下方法，向佢施加壓力： 1、組織其他不滿既居民，成立監察小組，甚至連結其他監察組織，務求「車輪戰」咁嘈佢 2、將你發現有問題既事情，通過不同渠道發佈出黎，令更多人知道，包括發公開信比其他同區居民、安排居民大會、網上發 佈、找媒體報導等等 3、向區議會秘書處以及民政事務總署投訴