金利通(08256)

(2016-11-03) 昨天與金利通(8256)James、鍾總午餐，James大律師出身，高IQ人士，有句話好深刻：「香港有點兒窒息」。佢概歎香港的創業環境 不盡人意。 的確係，有時候過咗落馬洲關口，深呼一口氣，呼吸到的是自由。香港常常佔據全球最自由經濟體系，點解卻要係深圳河的另 一邊才能夠感受到自由的氣息？這是一個吊詭。 捱足7年有望出頭 講番金利通，唔係會扯到好遠！金利通有個項目叫金飯碗，係個求職網站，坦白講，香港版仲有改善空間，但係下半年一切都 唔同咗，皆因推出咗個內地版(http://cn.gbjobs.com)。 我的理解，Uber模式與SNS模式正在顛覆許多傳統行業，簡單來講，金飯碗內地版就系Uber版的求職網站，佢要顛 覆的是智聯招聘、51job、趕集網等內地求職網站。 Linkedin(領英)系SNS版的求職網站，實力超強，世界級數，金飯碗系香港級數，但現在Linkedin入唔到內地，這也是金飯碗的機 會，只要揮底一眾內地對手即可，這並非沒有機會。 金飯碗有兩個殺手鐧令人眼前一亮：一，簡歷模組及即將推出的簡歷QR Code，解釋下，即會員可以選擇不同的簡歷頁面，個人化；將來求職時只要俾僱主掃一掃QR Code，簡歷即刻顯示。 二，正在研發的自我介紹小視頻，即求職者可以對住手機自我介紹，再放上網，等僱主先睇睇，大家睇啱再約見面，如此見工 成功的機會都會大咗。 現價市值不足1.4億 金飯碗內地版有驚喜，而金飯碗並非從頭開始，之前已經做咗成7年時間，儲有自已的大數據庫，係現有基礎上再創新，香港 人好想出個IT巨頭，金飯碗唔係無機會。 講咁多，俾我估值，金飯碗一定唔止9位元數字。上半年系成都睇個項目，有個朋友研發兩個星期做咗一個語音智慧機械人， 10%股權開口就要500萬元，俾佢嚇死！ 金利通昨日收報0.125元，現價市值1.36億元，無睇錯，1.4億元都唔夠；James持股31.16%，街貨多 係個問題；給予3個月目標價0.184元，即屆時股份市值約2億元。