讚好
用戶還喜歡
稻穗小編 張貼文章
11月 10, 2016
144 閱讀
(2016-11-10 Percy 稻穗財經首發)
美國大選選情日（香港時間10日，周四），恒指高開138點後，半句鐘內倒跌400點，午前插水950點，失守22, 000關，但當特朗普贏面越來越大，市場面對現實，恒指跌幅收窄，收市跌494點，主板成交大增至1,042億元，明 顯有資金低位撈貨。
其實選情落實，拆倉平倉完成，全球股滙市場轉趨冷靜。塵埃落定，這個美國版「脫歐」亦帶來又一低吸機會。
金融市場對特朗普的勝出有隱憂，當大選結果逐漸展示特朗普有機會勝出，美股指數期貨曾跌停板，在部份炒家在公佈其當選 後出手平淡倉，期貨從低位反彈，已證明市場仍在消化特朗普當選的不明朗因素，暫時買股唔買市。
狂人競選前的狂言，包括揚言一旦當選便馬上將中國列入貨幣操控國，認為人民幣最少被低估15%至40%，以及徵收45 %的反補貼徵稅等。不過，特朗普當選後發表的講話語氣溫和，不再談要向中國入口的貨物繳稅、逼人民幣升值、抓非法移民 ；加上副總統彭斯低調謹慎，發揮冷卻前者狂莽言行。稍後，在新任國務卿、財長、防長等加入內閣亦可將其拉回現實。每個 總統上任後上任前都會是兩個版本，看來特朗普首務著眼是減稅、基建和刺激經濟。
距離明年1月就任還有兩個月，慣了輸打贏要、反口覆舌的特朗普死性難改，商人本色，吹完水唔抹嘴，看來市場將繼續波濤 洶湧。
特朗普搞基建，可以刺激全球基建材料的需求，更加可以協助中國去庫存，對基建材料股是一件好事，特朗普對奧巴馬的圍堵 中國的政策也沒有多大興趣，這會使到南海局勢和緩，有利股市。
特朗普狂妄自大，但亦有港商曾在其落難時施過援手。他於九十年代瀕臨破產，獲新世界（0017）鄭家純和瑞安（098 3）羅康瑞出手投資其一個發展項目，投資興建大樓，大樓落成出售後，特朗普將獲其中3成利潤作為回報而拯救了他，該項 目其後2005年高價出售，但特朗普反指鄭、羅二人未諮詢他同意，入稟索償10億美元（約78億港元）結果敗訴。特朗 普事後表示，雖然輸掉官司，但項目升值不少，所以自己仍然是贏家。所以，有人話「冇當年嘅純官，就冇今日嘅特朗普」， 睇嚟都有幾分道理噃。
如此說來，能與「特朗普概念」沾得上邊的新世界和瑞安會否帶來另類資金的垂青？事實上，新世界9.5倍市盈率和5厘左 右收息率的基本吸引力還是有的。
讚好
2 讚好
史理生 和 施建祖 讚好
稻穗小編 張貼文章
10月 13, 2016
2.3k+ 閱讀
稻穗小編注：彤叔今朝出殯，一路走好。附上蘋果日報一則報道。
....................................................... ....................................................
(2016-10-13 蘋果日報)
(原文網址：http://hk.apple.nextmedia.com/entertainment/art/20161013/19799077)
鄭裕彤(彤叔)在香港超級富豪中輩份雖高，但他卻喜歡與後輩的中港富豪一齊「鋤Dee」飯局，他曾在訪問中提及鋤Dee有助腦部記憶 及廣交朋友，他在自傳亦提過愛牌局，但不會瘋狂賭博：「如果你賭得比我精，我唯有迴避一下，甘拜下風。儘管我有機會贏 ，但我深明運氣不會永遠有，我雖然是澳門娛樂公司主席，但入賭場我也不賭，我知道永遠都是莊家贏的。」
彤叔是鋤Dee會的首領人物，其他鐵腳有「大劉」劉鑾雄、楊受成、恒大地產主席許家印，以及有「重慶李嘉誠」之稱、中 渝置地主席張松橋等。據可靠人士報料，鋤Dee飯局多在灣仔皇朝會、遊艇上、大劉或彤叔家中舉行，一個星期聚頭兩次。 由於彤叔愛鋤Dee，高峰期試過一星期開足4、5次啤局，眾富豪的「Dee腳」由下午3時開局，玩到翌日早上6點才散 。
早期他們愛玩鋤大Dee，每輸一隻注碼大概為一萬元，曾試過一晚有一千萬上落，要開支票結算。直至近10年，鋤Dee 會轉玩「鬥地主」，曾與彤叔交過手的富豪透露：「彤叔記牌好叻，鋤Dee記得晒仲有咩牌未出，就算玩鬥地主，佢記唔晒 啲牌，自己冇『鬼』喺手，都炸咗先，好博，真係佢『沙膽彤』本色。」萬一遇上運氣不佳，彤叔都不會發脾氣，但就會要求 換一副新牌。
另外，玩具大王蔡志明與彤叔相識逾20載，不時定期飯局聯誼，蔡志明接受《蘋果》電話訪問時透露彤叔是他很敬重的長輩 ，不時獲彤叔邀請開局：「不過我唔想贏朋友錢，我去睇多，唔會落場。佢哋成班一個禮拜會有一、兩次鋤Dee局。」提到 鋤Dee注碼，蔡志明笑言不方便透露：「佢哋睇心情，有時大啲、有時細啲，銀碼我見過一晚有300、400萬上落，佢 哋贏咗、輸咗都唔會特登要開支票，會記低個數。佢哋個個都係富豪，都唔係話鬥嬴錢，大家都咁多錢，都係鬥下牙擦。」
蔡志明從彤叔鋤Dee情況中，看到對方「牌品好人品自然好」，他說：「佢鋤Dee除咗運氣好，又識數牌，亦都好叻心理 戰。佢喺賭枱同平時一樣，都係好好人，絕對唔會火爆，我就冇見過佢發脾氣，佢輸咗被人炒最多唔出聲，隔一陣又會講番笑 ，有時大家有少少拗撬，佢會做和事老；有朋友需要錢銀周轉，佢都會幫，當然用嚟賭錢佢就唔幫啦。」
眾「Dee友」聚首一堂，除了聯誼，更會爭取機會向彤叔請教如何做生意：「我哋成班有時問下彤叔生意有咩大計，佢會幫 我哋分析，有佢叫大家『去馬』，個心會定好多，佢亦都會叫我哋一齊去投資，例如上市抽新股投資。」
