2.9k+ 閱讀
（ 2017年06月27日 蘋果）
今日多隻細股遭洗倉，包括中國集成(1027)、雋泰控股(630)、中國投融資(1226)、中國錢包(802)、美捷匯控股(1389)等等，跌幅一度接近九成。有傳今次出事的幕後玩家是葉志輝(Steven Yip)，近年作品包括「翠如BB股」聯旺集團（8217）。在跌幅榜當中，多隻都是他的「傑作」，前年更曾經捲入用嫩模散貨事件。
2015年中，股市波動，庄家為盡速散貨，無所不用其技，更在夜場落手，再利用Whatsapp、WeChat等方法高速「傳銷」，最終，部份嫩模「訓身」工作得來的辛苦錢，因細價股大冧棚，已輸過落花流水。
在金融界略有名氣的莊家中間人「Kelvin God」，成立了一個名叫「香港股票討論區」的WeChat群組，以討論為名，散貨為實，不時在組內推介股票。由於kelvin最初發放的tips甚準，一眾嚫模當他神咁拜，但很快就出事，「佢強烈推介1063(新確科技)，一開始我$1.1買一百萬，$1.3走，先賺二十萬甜頭。之後$1.2再入二百萬，跌到$0.6走，輸成一百二十萬！」受害人曹小姐將沒有止蝕，歸咎於「有人係WeChat講話唔使驚，震一震啫。」不少靚模在群組內大呻：「輸到嘔血」、「呢個六月輸咗兩個Hermes」。
事實上，Kelvin在這事上亦被幕後老細過一戙，自己都輸近千萬元，而這場大龍鳯在圈中鬧得很大，有人曾找有勢力人士尋仇，「Kelvin宜家都好驚呀，佢唔係驚啲女，係驚啲女既契家佬！」傳聞Kelvin背後，是智易控股(8100)獨立非執董、在股壇紅得發紫的葉志輝(Steven Yip)，葉志輝早年跟隨細價股玩家李鋈麟(Alan Lee)搵食，其後跳槽跟新晉細價股玩家曹貴子。現時手上持有幾隻細價股，如新確科技。
