昂坪360聯同We Bare Bears周四起至明年1月5日舉行「熊熊之約定-聖誕篇」

嚟緊嘅聖誕節同新年，一於搭昂坪360登山玩番轉，因為昂坪360聯同We Bare Bears喺周四起至明年1月5日期間舉行「熊熊之約定-聖誕篇」，人氣大熱卡通《We Bare Bears》（熊熊遇見你）三位主角，包括老大棕熊Grizzly、二哥熊貓Panda及三弟北極熊Ice Bear穿上毛衣頸巾，頭頂聖誕帽在昂坪360同大家見面，一齊慶祝聖誕及新年！

昂坪市集圓形廣場將化身成冰天雪地，除了有充滿濃濃節日氣氛的經典3米高聖誕樹之餘，更特設巨型奶茶杯及禮物旋轉木馬，大家可以同熊熊一同大拍節日靚相。

而昂坪市集更設有全港首個We Bare Bears「至熊打卡館」，熊熊們栩栩如生，活現眼前。五大夢幻打卡熱點，包括熊熊纜車霓虹燈、We Bare Bears傳統聖誕花圈、熊熊光影簾、熊熊繁花隧道及熊抱雪花光影站。

大家還可以參加「熊熊聖誕手工輕食教室」，試下手工古早味嘅糖蔥餅。港式絲襪奶茶工作坊由「國際金茶王大賽2016」冠軍陳子平師傅主理，即席親自教授沖奶茶的技巧及分享採購茶葉的經驗。古早味手工糖蔥餅工作坊由和記隆懷舊小食主辦，糖蔥餅用白面皮包裹著糖蔥、紅糖、椰絲及芝麻等餡料，入口酥鬆甘甜。